मिस युनिभर्स नेपाल २०२५’को आवेदन खुला ।।

 काठमाडौं । ‘मिस युनिभर्स नेपाल २०२५’को आवेदन खुला भएको छ । बुधबार हिल्टन होटलमा आयोजित पत्रकार सम्मेलनमा आयोजक संस्था ग्लोबल ग्ल्यामर भेन्चरले यस्तो जानकारी दिएको हो ।

 इच्छुकले खल्ती एप, मिस युनिभर्स नेपालको वेबसाइट र सोसल मिडियामार्फत १५ असारसम्म आवेदन दिन सक्नेछन् । १८ वर्ष उमेर पुगेका, १२ कक्षा उत्तिर्ण वा सो सरह शैक्षिक योग्यता पुरा गरेका, अविवाहित, विवाहित, डिभोर्सी, लैंगिक अल्पसंख्यक सबै नेपाली र गैरआवासीय नेपाली महिलाले आवेदन दिन सक्ने जनाइएको छ ।

 

पत्रकार सम्मेलनमा पेजेन्टकी राष्ट्रिय निर्देशक संगीता पुरीले भनिन्, ‘प्रतियोगिता समावेशी मूल्यमा आधारित रहेकाले उचाइ, तौल वा वैवाहिक स्थितीमा कुनै प्रतिबन्ध छैन ।’

भदौ महिनामा ललितपुरको गोदावरीस्थित सनराइज हलमा फिनाले आयोजना हुने जनाइएको छ ।

यसवर्ष प्रतियोगितालाई ८ एपिसोडको टिभी सिरिजबाटै प्रसारण गर्ने तयारी छ । ।

कार्यक्रमको फम्र्याटमा टिभीमा आउँदा दर्शकले प्रतिस्पर्धी र कार्यक्रमलाई अझै गहिराइमा बुझ्न

‘मुलुकमा बालश्रमको समस्या देखिएकाले यो संस्करणमा आइएलओसँग सहकार्य भएको छ’ पेजेन्टकी अध्यक्ष तथा सीइओ साबी पुरीले बताइन् । पत्रकार सम्मेलनमा वर्तमान मिस युनिभर्स नेपाल सम्पदा घिमिरेले आफ्नो कार्यकालमा गरेका कार्यको भिडियो विवरण प्रस्तुत गरिन् ।

अडिसनबाट छनोट हुने सुन्दरीले साउन महिनामा २५ दिने इन्टेन्सिभ ट्रेनिङ प्राप्त गर्ने र भदौमा क्लोज क्याम्प आयोजना हुने जनाइएको छ । प्रेसमिटमा गतवर्षको संस्करणका रनरअपलाई पनि चिनाइएको थियो भने यसवर्षको लोगो समेत अनावरण गरियो । यसवर्षको कोरियोग्राफरमा दिक्पाल कार्की छन् ।

किड्स क्यापिटल नेपाल २०२५: आनीन लिम्बु ओभरअल विजेता सिनियरतर्फ लक्षना र प्रशान्त, जुनियरतर्फ शान्भी विजेता

 काठमाडौं– टच इन्टरटेन्मेन्ट तथा स्पर्श फिल्म्स प्रालि, पेजेन्ट नेपाल इन्टरनेशनल  र ब्राइट इभेन्ट म्यानेज्मेन्टले संयुक्त रुपमा आयोजना गरेको प्रतियोगिता ‘किड्स क्यापिटल नेपालको–सातौ संस्करणको ग्राण्ड फिनाले  शनिवार  सम्पन्न भएको छ। यो प्रतियोगितामा विभिन्न उमेरका ११ जना बालबालिकाहरुले सहभागिता जनाएका थिए ।

दिक्पाल कार्कीको कोरियोग्राफीमा आयोजना भएको  प्रतियोगितामा आफ्ना १० जना प्रतिस्पर्धिहरुलाई पछिपार्दै “आनीन लिम्बु” ओभरअल बिजेताबन्न सफल भएकीछिन भने उनलाइ पछ्याउदै सिनियर तर्फ “लक्षना थापा” र “प्रशान्त कार्की”  र जुनियर तर्फ “शान्भी श्रेष्ठ” बिजेता भएकाछन्।

तेसै गरि फर्स्ट रनरअप ऋषिका लामिछाने ,सेकेन्ड रनरअप प्रिन्सेस श्रेष्ठ ,थर्ड रनरअप कौस्तुभ कोइराला र फोर्थ रनरअप प्रजोल क्षेत्रि भएका छन्।

मोस्ट पपुलरको अवार्ड लक्षना थापाले हात पारेकी छिन

IMEPAY Public Choice अवार्ड महिला तर्फ लक्षना थापा र पुरुष तर्फ  प्रशान्त कार्कीले हात पारेका छन्।

लिटिल स्टार महिलातर्फ विभूति पौडेल  र पुरुष तर्फ आव्हन  बराकोटि र लिटिल प्रिन्स  रिवान श्रेष्ठले हात पारेका छन्।

तेसै गरि सब टाइटलहरुमा बेस्ट वाल्क -आनीन लिम्बु ,बेस्ट ट्यालेन्ट र बेस्ट  डान्सर- प्रिन्सेस श्रेष्ठ,बेस्ट सिंगर , बेस्ट एक्टर र PNI Fashion Best TVC model- लक्षना थापा र फेसबुक स्टार - रिवान श्रेष्ठ ले हात पारेका छन्।

कलाकार तथा रंगकर्मी बिरेन्द्र हमालले अभिनयको प्रशिक्षण दिएका थिए भने विशालले नृत्यको प्रशिक्षण दिएका थिए। प्रतियोगिहरुलाई अभिनेता एसराज गराच, राजन बुढाथोकी, गोपाल ढकाल तथा परिस्ना बास्तोलाले समेत विभिन्न प्रशिक्षण दिएका थिए

कार्यक्रममा सिनियर फेसन कोरियोग्राफर हिमानी सुब्बा ,चर्चित Tv Personality बिना श्रेष्ठ ,Actor,Writer बिन्दा खतिवोडा ,Comedian Actor गोपाल ढकाल छन्दे ,Event Organizer/Writer/Director कमल खतिवोडा,Actor/Social Worker राजु कार्की ,Miss Intercontinental Nepal 2024 डा.आयुस्नोभा ढुंगाना र Mister Teen Nepal 2022 योगेश शर्माले निर्णायक को भूमिका निर्भाह गरेका थिए भने मिस्टर मोडल अफ द वोर्ल्ड दिक्पाल कार्कीले उद्घोषण गरेका थिए। 

कार्यक्रमलाइ PNI FESHION ,IME PAY ,RULE X 9 ,ACHARMANDU र KANCHENJUNGA AGARBATTI ले प्रायोजन गरेको थियो।

 

जेठ ३ गते हुँदैछ ‘किड्स क्यापिटल नेपालको– सातौ संस्करणको अन्तिम प्रतिस्पर्धा

 काठमाडौं– टच इन्टरटेन्मेन्ट तथा स्पर्श फिल्म्स प्रालि, पेजेन्ट नेपाल इन्टरनेशनल  र ब्राइट इभेन्ट म्यानेज्मेन्टले संयुक्त रुपमा आयोजना गर्न लागेको प्रतियोगिता ‘किड्स क्यापिटल नेपालको– सातौ संस्करणको ग्राण्ड फिनाले यही जेठ ३ गते शनिवार च्यासल, ललितपरपस्थित ज्यापू समाज केन्द्रमा आयोजना हुँदैछ । यो प्रतियोगितामा विभिन्न उमेरका ११ जना बालबालिकाहरुले सहभागिता जनाएका छन् ।

दिक्पाल कार्कीको कोरियोग्राफीमा आयोजना हुन लगेको यो प्रतियोगितामा सहभागि प्रतिस्पर्धिहरुलाई कलाकार तथा रंगकर्मी विरैन्द्र हमालले अभिनयको प्रशिक्षण दिइरहेका छन भने विशालले नृत्यको प्रशिक्षण दिएका छन् । प्रतियोगिहरुलाई अभिनेता एसराज गराच, राजन बुढाथोकी, गोपाल ढकाल तथा परिस्ना बास्तोलाले समेत विभिन्न प्रशिक्षण दिइरहेका छन् ।

प्रतियोगिहरूलाई थप प्रोत्साहित गर्नको लागि आईएमई पेमार्फत अनलाइन मतदानको व्यवस्था गरिएको छ । मतदानमा विजयी हुने बालबालिकालाई आईएमई पेजले दुई वर्षदेखि नै आफ्ना विज्ञापनहरूमा कार्य गर्ने अवसर प्रदान गर्दै आएको जानकारी आयोजक संस्थाले दिएको छ ।

७२ औं मिस वर्ल्डमा सहभागी हुन मिस नेपाल सृच्छा प्रधान भारतमा

 काठमाडौं । ७२ औं मिस वर्ल्डमा सहभागी हुन मिस नेपाल सृच्छा प्रधान  भारततर्फ प्रस्थान गरेकी छन् । 

७ देखि ३१ मेसम्म भारतको तेलांगानाको हैदराबादमा यसवर्षको मिस वर्ल्ड आयोजना हुँदैछ । त्यसतर्फ प्रस्थान गर्नुअघि सृच्छाले जितको लागि आफूले उत्कृष्ट प्रयास गर्ने बताइन् । फिनालेका लागि आफू उत्साहित रहेको उनको भनाई छ ।

सन् २०२३ मा मिस नेपालको उपाधि जितेकी सृच्छा झण्डै २ वर्षपछि अन्तर्राष्ट्रिय प्रतिस्पर्धामा जान लागेकी हुन् । उनको ब्याचका विजेताले भने अघिल्लो वर्ष मिस अर्थ र मिस इन्टरनेसनलमा सहभागिता जनाइसकेका छन् ।

जलवायु अभियन्ता समेत रहेकी सृच्छाले वातावरण संरक्षणको सन्देश दिने ‘पञ्च प्रणाली’ परियोजनालाई मिस वर्ल्डमा प्रस्तुत गर्नेछिन् ।

यसवर्ष १०९ जना प्रतिस्पर्धीले मिस वर्ल्डमा प्रतिस्पर्धा गर्ने जनाइएको छ । फिनाले चाहिँ ३१ मेमा आयोजना हुनेछ ।